ERROR成員丨郭嘉駿認曾態度差失Job　193憶《造星》比賽指「姜濤唔係人」

現年34歲，2018年參加首屆《全民造星》，同年被選中加入組合ERROR正式出道的郭嘉駿（193），出道不久就爆紅，惟21年底卻因失言陷入事業低潮。

193為最新個人派台歌《B出口》接受雷霆881商業一台《星光背後》主持人梁泰來專訪，除透露曾下苦功學唱歌，及找來舒文任監製令歌藝大躍進外，他亦披露當年參選《全民造星》只一心成為像強尼般的主持。同時，193坦承爆紅時因沖昏頭腦失言，與及入行後曾發展地下情。

同居少女諸事卜丨193阿Dee爭奪雲浩影　Kayan9896神婆上身蘇皓兒拍劇自肥

▲ 193新個人派台歌《B出口》。

見覺贏不了姜濤

在節目中，193否認當年報名參加《全民造星》無準備：「我搵MMO（伴奏純音樂）搵咗好耐，當時乜都唔識，都搞咗成個星期！」從沒學過唱歌、跳舞的他，曾以為節目會像韓國選秀騷般有培訓，說：「我入去係諗住畀人教我，然後成長，點知一嚟就叫我表演。但踏出咗第一步就唔想放棄，無論自己幾廢都好，嗰幾個月我真係每日都練！」

成功躋身99強後，193指未有像隊友Fatboy梁業般視100萬獎金為目標，稱：「我第一日見到姜濤，已經望住佢個樣，仲點望嗰100萬？大佬，佢喺個比賽入面唔係人嚟，咁outstanding，點可以贏到佢？」

▲ 193新個人派台歌《B出口》。

193認曾被沖昏頭腦

罕有談及收入，193指初入行真的像保錡形容般難捱，成軍出道首3年初也不算可觀，稱：「我認為去到《ERROR自肥企画》爆咗出嚟先真係紅，我睇返張糧單，都真係嚇親自己！嗰一排做廣告從業員真係多，但只係維持咗幾個月，然後我就講錯嘢，廣告商就唔見曬，半年都冇人搵過我！」

直接問他會否承認當時變得囂張，193坦承：「對！嗰陣我會咁講，真係沖昏頭腦，突然之間萬千寵愛，果陣入行第3年，之前一直冇人理，突然之間咁多廣告商，明明前一日仲笑緊我，下一日就冇啦啦同我鞠曬躬，嗰陣覺得好威、全香港最紅係我！」

他再指當時變得高傲，因此得罪不少廣告商，直至經歷挫折後才開始反省，稱：「依家嘅自己唔同咗好多，唔係淨係向錢看，明白我講錯嘢會連累公司、隊友、同信任我嘅廣告商。」

▲ 《ERROR自肥企画》

直言不會公開戀情

曾自爆讀書時期拍拖經驗豐富的193，入行後鮮有緋聞及談及另一半，節目中，他大方承認2018年底出道後曾拍拖，但只得身邊數個兄弟知情。

不過，他亦指目前已回復單身，說：「我認我拍拖都唔會公開，驚公開咗之後，會影響到人哋，萬一同佢分咗手，佢可能會難咗識男仔，或者會被標籤成『193前女友』，因為我193都唔係咩好人，兩個人嘅事，留返喺兩個人嘅世界。」

193更坦承公開戀情會影響一眾粉絲「老婆」（193粉絲）對他的觀感，故即使有對象出現，也只會選擇地下情。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5